काठमाडौं । गैरआवासीय नेपाली दिवसको अवसर पारेर महिला तथा युवा विभाग र स्थानिय तहमा पोखरामा अन्तर्राष्ट्रिय कास्की समाज र म्याग्दीमा मोना संस्थाको सहयोगमा महिलाहरुको निशुल्क पाठेघर, स्तन क्यान्सर सम्बन्धी स्वास्थ्य शिविर संचालन गर्ने भएको छ ।

उक्त नि: शुल्क स्वास्थ्य परीक्षण कार्यक्रम शनिबार र आईतबार (अक्टोवर ९ र १० तारिक) हुदैछ ।

गैरआवासीय आवसी नेपाली संघको महिला तथा युवा विभाग संयोजक एवम अध्यक्ष पदकी प्रत्यासी रविना थापाले शनिवार बेनीबजार म्याग्दीमा र आइतवार सारङकोट पोखरा कास्कीमा महिलाहरुको नि: शुल्क पाठेघर परीक्षण सम्बन्धी स्वास्थ्य शिविर सञ्चालन हुने जानकारी दिईन् ।

थापाले एनआरएनएको चुनावमा व्यस्त हुँदा हुँदै पनि उनले समाजसेवालाई पहिलो प्राथमिकतामा राखेको बताउँछिन् ।

चुवानी प्रचार प्रसारमा भन्दा पनि समाजलाई कसरी टेवा पुर्याउन सकिन्छ भन्नेमा आफुले समय दिईरहेको उनको भनाई छ । अध्यक्षका प्रत्यासिहरु मतदाता आकर्षित गर्न विभिन्न चलखेलमा लागिरहेको समयमा थापा भने सामाजिक काममै ब्यस्त छिन् ।

थापाले एनआरएनएलाई अझ बढी सम्बृद्ध बनाउनलाई रोजगारको सिर्जना गर्ने, मताधिकारको अधिकार सबैले पाउने जस्ता एजेन्डा अघि सारेकी छिन् ।
लामो समयदेखि व्यक्तिगत वा संस्थागतरुपमा समाजसेवा मा तल्लीन रहेकी थापा अहिले त्यसैलाई निरन्तरता दिरहेको जानकारी दिईन् ।