काठमाडौं । नेपालीहरुको महान चाड दशैं मान्यजनको हातबाट टीका लगाउने मात्र नभई मिठो खान र राम्रो लाउने चाडका रुपमा पनि लिइन्छ ।

हरेक वर्ष दशैंमा सबैभन्दा बढी मासुको ब्यापार हुने गर्दछ । खासगरी दशैंमा खसीबोका र च्याङ्ग्राको माग अत्याधिक हुने गर्दछ ।

खसीबोका र च्याङग्राको माग बढी हुने भएकैले मुस्ताङका च्याङग्रासमेत पोखरा हुँदै काठमाडौं आइपुग्ने गरेको छ ।

काठमाडौंको बल्खुस्थित खसीबजारमा यसपाली पनि खसीबोका र च्याङग्राहरु प्रशस्त आइपुगेका छन् ।

शुक्रबार बल्खुको खसीबजार पुग्दा विगतका वर्षहरुमा जस्तो ग्राहक नआएको भन्दै ब्यापारीहरु ग्राहकको पर्खाइमा रहेका देखिन्थे ।