काठमाडौँ । दसैँ नजिकिएसँगै धनुषामा एक महिलाले दुई छोराको हत्या गरी आत्महत्या गरेकी छन् । जिल्लाको नगराइन नगरपालिका ४ स्थित लगमा बस्ने गुरुदेव साहकी पत्नी गुडियादेवी साहले दुई छोराको हत्या गरी आत्महत्या गरेकी हुन् ।

जिल्ला प्रहरी कार्यालय धनुषा प्रहरीका अनुसार ५ वर्षीय अभिषेक र ३ वर्षीय आदित्यको घाँटी कसेर हत्या गरेसँगै गुडियाले पासो लगाएर आत्महत्या गरेकी हुन् ।

गुडियाका श्रीमान् गुरुदेव साह बिहानै काम गर्न घरबाट निस्केका थिए । घटनाबारे अनुसन्धान भइरहेको प्रहरीले जनाएको छ ।