काठमाडौँ । हास्यकलाकार मनोज गजुरेलले दोस्रो विवाह गरेका छन् । गजुरेलले नेपाल सरकारको न्याय सेवाकी अधिकृत मन्जु पोखरेलसँग वैबाहिक जीवनमा बाँधिएका हुन् ।

सामाजिक सञ्जालमा विवाहको तस्बिर सार्वजनिक गर्दै गजुरेलले सुखद् विवाहको जानकारी गराएका हुन् ।

परिवार मानवसेवा आश्रम (कौशलटार) मा रहेका बुवाआमालाई खाना खुवाएर/खाएर विवाह सम्पन्न गरेको गजुरेलले सामाजिक सञ्जाल मार्फत सुझाएका छन् ।

उनको पहिलो विवाह मिना ढकालसँग भएको थियो । प्रेम विवाह गरेको २२ वर्षपछि २०७४ सालमा उनीहरूबीच पारपारचुके भएको थियो । उनीहरूका एक छोरा र छोरी रहेका छन् ।

गजुरेलले केही समयअघि उनले आफू छिट्टै नै विवाह बन्धनमा बाँधिन लागेको जानकारी समेत दिएका थिए ।