काठमाडौँ । इटलीमा फुटबल खेल्दै आएका नेपाली युवा खेलाडी विकास मेराग्लिया नेपाल आइपुगेका छन् । उनी १३ वर्षपछि नेपाल आएका हुन् ।

मंगलबार राति नेपाल आइपुगेका विकासले आफूलाई माया गर्ने सबैलाई धन्यवाद दिएका छन् । ‘मलाई माया गर्ने सबैलाई धन्यवाद, म १३ वर्षपछि नेपाल फर्किएँ, यस अवस्थालाई कुनै शब्दमा बयन गर्न सक्दिनँ,’ उनले भनेका छन् ।

सहिद स्मारक ए डिभिजन लिग खेल्नका लागि उनी नेपाल आएका हुन् । लिग आगामी कात्तिक २९ गतेदेखि सुरु हुँदै छ ।

इटलीको यू-१६ राष्ट्रिय टिमबाट समेत खेलिसकेका उनी हाल इटलीको सिरी ए क्लब एट्लान्टाको युथ टिमबाट खेल्दै आएका छन् ।