काठमाडौँ । पोखरामा लागू औषधसहित दुई जना पक्राउ परेका छन् । पक्राउ पर्नेमा पोखरा ३ बस्ने साहिल पौडेल र अन्नपूर्ण गाउँपालिका ५ घर भई पोखरा ३ नदीपुर बस्ने नवीन तिलिजा रहेको जिल्ला प्रहरी कार्यालय कास्कीले जनाएको छ ।

उनीहरूको साथबाट डाइजापाम सय एम्पुल, आइबुनफिर्फिन सय एम्पुल र फेनारगन सय एम्पुल रहेको प्रहरीले जनाएको छ । प्रहरीले पोखरा गगनगौडा, पावरहाउसस्थित सवारी चेक जाँचका क्रममा उनीहरूको साथबाट लागू औषध बरामद गरेको हो ।

उनीहरूमाथि लागू औषधसम्बन्धी मुद्दामा म्याद थप गरी अनुसन्धान भइरहेको जिल्ला प्रहरी कार्यालय कास्कीले जनाएको छ ।