काठमाडौँ । कर्णाली प्रदेशका मुख्यमन्त्री महेन्द्र बहादुर शाहीले राजीनामा दिने भएका छन् । गठबन्धनका नेपाली कांग्रेससँग आलोपालो सरकार चलाउने सहमति भएसँगै नेकपा माओवादी केन्द्रबाट मुख्यमन्त्री बनेका शाहीले राजीनामा दिने भएका हुन् ।

स्रोतका अनुसार आलोपालो सरकार सञ्चालन हुने भएपछि आज कात्तिक १५ सम्म शाहीले मुख्यमन्त्री चलाउने सहमति भएको हो । त्यसपछि जीवन बहादुर शाही मुख्यमन्त्री बन्ने भएका छन् ।

पदबाट राजीनामा दिने भएसँगै मुख्यमन्त्री शाहीले आज अन्तिमपटक मन्त्रिपरिषद्को बैठक बोलाएका छन् ।