काठमाडौं । हाँस्य कलाकार जितु नेपालले सञ्चालन गर्दै आएको रियालिटी शो ‘मुन्द्रेको कमेडी क्लब’को प्रशारण बन्द हुने भएको छ ।

डेढ वर्ष भन्दा लामो समयदेखि नेपाल टेलिभिजनमा प्रशारण हुँदै आएको ‘मुन्द्रेको कमेडी क्लब’ आउँदो साता प्रशारण भएपछि बन्द हुने सञ्चालक जितु नेपालले जानकारी दिएका छन् ।

जितुले यो ‘शो’ बन्द भएपछि आफूले केही समय विश्राम लिने र नयाँ ‘शो’ दर्शकमाझ ल्याउने बताएका छन् ।

यो शोमा निक्कै नै लोकप्रिय भएका कलाकार उमेश राई ‘फुलन्देकी आमा’ अर्को एक रियालिटी शोको होेस्ट बन्ने पक्का भएसँगै जितुले यो शो बन्द गर्ने निर्णय गरेका हुन् ।

‘मुन्द्रेको कमेडी क्लब’लाई प्रायोजन गर्दै आएको कि एड्भरटाइजिङले पनि कलाकार जितुको प्रस्तावमा सहमति जनाएपछि अर्को सातादेखि बन्द हुने भएको हो ।