यामाहा ’एफजेडएस भी–३ एक्स कनेक्ट’ सार्वजनिक

काठमाडौँ । यामाहा मोटरसाइकलको नेपालका लागि आधिकारिक बिक्रेता एमएडब्लू इन्टरप्राइजेजले एफजेड यामाहाको एफजेडएसको नयाँ भर्सन तिहारलाई निहुँ पार्दै मंगलबार सार्वजनिक गरेको छ । कम्पनीले एफजेडएस भी–३ एक्स कनेक्ट मोडल सार्वजनिक गरेको हो ।
यामाहाको एफजेड सिरिजका मोटसाइकलको बिक्री उल्लेख्य रुपमा बढेको छ । त्यसैको परिणाम सोरुप कम्पनीले एफजेडएस भी–३ को नयाँ भर्सन नेपाल ल्याएको हो । यो मोटरसाइकल बीएस–६ इन्जिनयुक्त छ ।
कम्पनीका अनुसार यो मोटरसाइकलमा ब्लुटुथ फिचर कनेक्ट गरी विभिन्न सुविधा लिन सकिन्छ । मोटरसाइकलमा भएको ‘इ–लक’ प्रविधिले तपाईंले इ–लक प्याट्रन राख्नुभएको छ भने कसैले मोटरसाइकलको चाबीले मात्र मोटरसाइकल चलाउन सक्दैन । यसले मोटरसाइकल चोरी हुनबाट बचाउँ दाबी कम्पनीले गरेको छ ।
‘लोकेट माइ बाइक’ ब्लुटुथको अर्काे सुविधा छ । यो सुविधा मोबाइल एपमा क्लिक गरेमा मोटरसाइकलको इन्डिकेटर १० सेकेन्डम्म लगातार बल्ने छ । विशेषगरी यो विशेषताले चालकलाई भिड/पार्किङमा रहेको आफ्नो मोटरसाइकल सजिलै चिनाउन मद्दत गर्छ ।
त्यसैगरी एफजेडएस भी–३ एफआईयुक्त नयाँ मोटरसाइकलमा ‘राइडिङ हिस्ट्री’ अर्को हेर्न सकिने सुविधा छ । यो विशेषता मार्फत आफूले गरेको हरेक यात्राको विवरण अभिलेख गर्न र हेर्न सकिन्छ ।
यसमा भएको पार्किङ रेकर्ड सुविधाले मोटरसाइकल धनीले आफू रहेको स्थानबाट पार्किङ स्थानको नक्सा समेत पाउन सकिने छ । सडकको सम्भावित दुर्घटना र खतराका बारेमा जानकारी गराउने विशेष सुविधा ‘हजार्ड’ यो मोटरसाइकलमा उपलब्ध रहेको छ ।
यो मोटरसाइकलको तौल १ सय ३५ केजीमात्र तौल रहेको छ । कम्पनीले नयाँ भर्सनमा साइड स्ट्यान्ड हटाएको छ । यो मोटरसाइकलको बजार मूल्य ३ लाख ७९ हजार ९ सय रुपैयाँ तोकिएको कम्पनीले जनाएको छ ।
प्रतिक्रिया