काठमाडौँ । कुकुर तिहारको अवसरमा नेपाली सेनाले कुकुरको पूजा गरेको छ । सेनाले बुधबार मध्यपुर थिमि–२ सानो थिमिस्थित भैरव बहान गुल्ममा कुकुरको पूजा गरेको हो । गुल्ममा रहेको डग केनलमा हाल जर्मन सेफर्ड २३, लेब्राडोर ५५ र ककर स्पाइनल ७, गोल्डेन रिट्रिभर २ र मालिनोइज १ बच्चा कुकुर गरी ८८ वटा तालिम प्राप्त कुकुरको पूजा गरिएको हो ।

सेनाले उमेर र काम गर्ने क्षमताका आधारमा छनोट गरी डग केनलबाट शान्ति मिसनमा कुकुर पठाउने गरेको छ । एउटा स्वस्थ कुकुरले आठ वर्षको उमेरसम्म पूर्णरुपमा काम गर्न सक्ने सेनाले बताएको छ । कुकुरलाई यमराजको दूतको रूपमा र भगवान भैरवको वहानको रूपमा पुजिने गरिन्छ ।