बुधबार, फागुन ७, २०८१

गैँडाको खाग बेच्न लागेकी महिलासहित २ पक्राउ

मेरोन्यूज २०७८ कार्तिक १८ गते ११:४०

काठमाडौँ । संरक्षित वन्यजन्तु गैँडाको खाग (आखेटोपहार) जस्तो देखिने ९ सय ग्राम तौल बराबरको एक थान वस्तुसहित २ जनालाई प्रहरीले पक्राउ गरेको छ ।

Advertisement
IMEnabil

पक्राउ पर्नेमा तनहुँ शुक्लागण्डकी नगरपालिका १० बस्ने ३४ वर्षीया फूलमाया बिक र काठमाडौं तार्केश्वर नगरपालिका ६, धर्मस्थली बस्ने २८ वर्षीय सुसन सुनार रहेका छन् ।

काठमाडौं महानगरपालिका ४ सुकेधारा क्षेत्रमा संरक्षित वन्यजन्तुको आखेटोपहार अवैध रुपमा ओसारपसार तथा बेचबिखन गर्न लागेको भन्ने सूचनाको आधारमा प्रहरी प्रधान कार्यालय केन्द्रीय अनुसन्धान ब्युरो महाराजगञ्जबाट खटिएको प्रहरीले उनीहरूलाई पक्राउ गरेको हो । उनीहरूको साथबाट गैँडाको खाग जस्तो देखिने उक्त वस्तु फेला परेको प्रहरीले जनाएको छ ।

उनीहरूलाई बरामद सामानसहित आवश्यक कानूनी कारबाहीको लागि डिभिजन वन कार्यालय हात्तीसार काठमाडौँमा बुझाइने उक्त ब्युरोले जनाएको छ ।

प्रतिक्रिया