बुधबार, माघ ३०, २०८१

नगद रकमसहित जुवा खेल्दै गरेका ३१ जना पक्राउ

मेरोन्यूज २०७८ कार्तिक १९ गते १४:५१

काठमाडौँ । कपिलवस्तुमा जुवा खेल्दै गरेका ३१ जनालाई प्रहरीले पक्राउ गरेको छ । जिल्लाको दुई ठाउँबाट करिब ६ लाख रुपैयाँ नगदसहित उनीहरूलाई पक्राउ गरेको हो ।

Advertisement

जिल्लाको बाणगंगा नगरपालिका १ बैरियास्थित किशोरजंग पुनको घरबाट १९ जना र वडा नंं २ को लेकबेसी होटेलबाट १२ पक्राउ परेको प्रहरीले जनाएको छ ।

गएराति दुई स्थानका जुवा खालबाट ६ लाख १९ हजार १२७ रुपैयाँ नगदसमेत बरामद भएको छ । पक्राउ परेकाहरू स्थानीय उद्योगी व्यापारी रहेका छन् ।

जिल्ला प्रहरी कार्यालयका अनुसार उनीहरूलाई मुलुकी अपराध संहिता दफा १२५ अन्तर्गत मुद्दा चलाइने भएको छ ।

प्रतिक्रिया