काठमाडौँ । भारतीय रिलायन्स इन्डस्ट्रिजका मालिक तथा एसियाका सबैभन्दा धनी व्यापारी मुकेश अम्बानीले बेलायतको राजनधानी लण्डनमा घर किनेका छन् । भारतको मुम्बाईमा बस्दै आएका उनी अब लण्डनमा समेत बस्ने भएका छन् ।

अम्बानीले ९ अर्ब ५० करोड रूपैयाँमा लण्डनमा घर किनेका हुन् । उनले तीन सय एकड क्षेत्रफलमा फैलिएको ४९ कोठा भएको घर किनेको भातरीय समाचारमा जनाइएको छ ।

कोरोना भाइरस (कोभिड १९) महामारीसँगै सुरू भएको लक डाउनसँगै उनले दोस्रो घर बनाउने सोच बनाएका थिए । उनी अहिले मुम्बईको अल्टामाउण्ट रोडस्थित चार लाख वर्ग फिटमा फैलिएको एण्टिलियामा बस्दै आएका थिए ।

समाचारमा जनाइएअनुसार यस वर्षको तिहार उनले लण्डनकै घरमा मनाइरहेका छन् । पछिल्लो केही महिनादेखि उनको परिवार मुम्बईभन्दा बाहिर बढी मात्रामा रहेका थिए ।

ब्लूमबर्ग बिलेनियरको रिपोर्टअनुसार अम्बानी विश्वका सबैभन्दा धनी व्यक्तिको सूचीमा ११ औँ स्थानमा रहेका छन् । उनको कूल सम्पत्ति ९८ अर्ब अमेरिकी डलर रहेको छ ।