काठमाडौं । राष्ट्रपति विद्यादेवी भण्डारी परिवारको तथ्यांक संकलन गरेर राष्ट्रिय जनगणनाको सुरुवात गरिने केन्द्रीय तथ्यांक विभागले जनाएको छ ।

भोलि (बिहीबार) बिहान साढे ९ बजे राष्ट्रपति परिवारको तथ्यांक संकलन गरेर जनगणनाको सुरुवात गरिने विभागले जनाएको हो ।

त्यसैगरी, बिहिबार नै बिहान ११ बजे प्रधानमन्त्री शेरबहादुर देउवा परिवारको र दिउँसो १ बजे उपराष्ट्रपति नन्दबहादुर पुन परिवारको तथ्यांक संकलन गरिने विभागले जनाएको छ ।

विभागले आज गरेको पत्रकार सम्मेलन गरेर राष्ट्रिय जनगणनाको सबै तयारी पूरा भएको जानकारी दिएको छ । जनगणनाको कार्य भोलिदेखि १५ दिनसम्म हुनेछ ।