काठमाडौं । बागमती प्रदेशको मन्त्रिपरिषद् विहीबार विस्तार गरिएको छ ।

मुख्यमन्त्री राजेन्द्रप्रसाद पाण्डेले विहीबार कांग्रेस र माओवादी केन्द्रबाट दुई मन्त्री थप गरी मन्त्रिपरिषद विस्तार गरेका हुन् ।

मन्त्रिपरिषदमा नेकपा माओवादी केन्द्रबाट शालिकराम जम्कट्टेल र नेपाली काँग्रेसबाट नीमा लामा थपिएका छन् ।

मुख्यमन्त्री पाण्डेले जम्कट्टेललाई आर्थिक मामिला तथा योजना मन्त्रालय र लामालाई स्वास्थ्य मन्त्रालयको जिम्मेवारी दिएका छन् । नवनियुक्त मन्त्रीद्वयले बिहीबार नै पद तथा गोपनीयताको शपथ लिएका छन् ।

कात्तिक ११ गते मुख्यमन्त्री नियुक्त भएका पाण्डेले सोही दिन तीन मन्त्री नियुक्त गर्दै चार सदस्यीय मन्त्रिपरिषद् गठन गरेका थिए ।