काठमाडौँ । फिफा विश्वकप कतार २०२२ को दक्षिण अमेरिकी छनोटमा अर्जेन्टिनाले घरेलु टोली उरुग्वेमाथि १–० को महत्वपूर्ण जित निकालेको छ । शनिबार बिहान भएको खेलमा एञ्जल डि मारियाको निर्णायक गोलसँगै अर्जेन्टिना विजयी भएको हो ।

अर्जेन्टिनालाई जिताउन डि मारियाले निर्णायक गोल गरेका हुन् । उनले खेलको सातौँ मिनेटमा नै पाउलो डिबालाको पासमा गोल गरेका थिए ।

यो जितपछि अर्जेन्टिनाको १२ खेलबाट २८ अंक बटुलेको छ । उरूग्वे १६ अंक जोडेर छैठौं स्थानमा छ ।

फिफा विश्वकपका लागि दक्षिण अमेरिकाबाट चार देशले स्थान बनाउन पाउने छन्। जसमा ब्राजिल छनोट भइसकेको छ ।