काठमाडौँ । नेपाली सुनचाँदी बजारमा केही दिनदेखि बढिरहेको मूल्य आइतबार पनि बढेको छ । आज छापावाल सुनको मूल्यमा प्रतितोला २ सय रुपैयाँ बढेको हो ।

आज छापावाव सुन प्रतितोला ९४ हजार ६ सय रुपैयाँमा कारोबार भइरहेको छ । शुक्रबार प्रतितोला ९४ हजार ४ सय रुपैयाँमा कारोबार भएको थियो ।

नेपाल सुनचाँदी व्यवसायी महासंघले सार्वजनिक गरेको तथ्यांकानुसार आज तेजाबी सुनको मूल्य प्रतितोला ९४ हजार एक सय रुपैयाँमा कारोबार भएको छ ।

त्यस्तै, चाँदीको मूल्य शुक्रबारका तुलनामा आज १० रुपैयाँ वृद्धि भएको छ । आज एक हजार २९५ रुपैयाँमा चाँदीको कारोबार भइरहेको छ ।