काठमाडौँ । पोर्न भिडिओ बनाएको आरोपमा लामो समय जेल बसेका राज कुन्द्राविरूद्ध जालझेलको निवेदन परेको छ । कुन्द्रासँगै उनकी श्रीमती तथा बलिउड अभिनेत्री शिल्पा शेट्टीसमेत उक्त आरोपमा मुछिएकी छन् ।

उनीहरूविरूद्ध मुम्बईस्थित बान्द्रा प्रहरी कार्यालमा निवेदन परेको समाचारमा जनाइएको छ । नितिन बराई नाम गरेका व्यक्तिले शिल्पा र राजले सन् २०१४ सालदेखि ‘स्पा तथा जिम’को फ्रेञ्चाइजीका नाममा जालझेल गरेको आरोप लगाउँदै निवेदन दिएका हुन् ।

नितिनले यस घटनामा काशिफ खान, दर्शित शाहसहित अन्य केही व्यक्तिमाथि समेत आरोप लगाएका छन् । नितिनका अनुसार उनीहरूले करिब दुई करोड ४० लाख रूपैयाँ हिनामिना गरेका हुन् ।

‘करिब दुई ४० लाख रूपैयाँ (एक करोड ५९ लाख २७ हजार भारू) रकम लगानी गरेँ, उनीहरूले सो रकम व्यक्तिगत रूपमा प्रयोग गरे,’ नितिनले भने, ‘पैसा फिर्ता मागेपछि आरोपित ९राज र शिल्पा०ले धम्की दिन थाले ।’

राज पोर्न फिल्म निर्माणको आरोपमा केही दिनअघि मात्रै मुम्बाई हाइकोर्टको फैसलामा जमानतमा रिहा भएका थिए । जेलबाट रिहा भएको केही समयमा नै उनीविरूद्ध प्रहरीमा निवेदन परेको हो । यो निवेदनमा शिल्पाको नामसमेत जोडिएको छ ।