काठमाडौँ । स्टार फुटबल खेलाडी क्रिटियानो रोनाल्डो रहेको टोली पोर्चुगल कतार विश्वकप २०२२ मा छनौट हुन कठिन अवस्थामा पुगेको छ । आइतबार राति भएको खेलमा सर्बियाले जित निकालेसँगै पोर्चुगल कठिन अवस्थामा पुगेको हो ।

युरोपियन छनोटअन्तर्गत समूह ए को खेलमा सर्बियाले पोर्चुगललाई २–१ गोलले पराजित गरेको थियो । घरेलु मैदानमा रेनाटो सान्चेजको गोलमार्फत दोस्रो मिनेटमै पोर्चुगलले अग्रता लिए सफल भएको थियो ।

सर्बियाका लागि ३३ औँ मिनेटमा डुसान टाडिक र ९० औँ मिनेटमा एलेक्सजेण्डर मिट्रोभिकले गोल गरेका थिए । जितपछि सर्बिया समूह ए को शीर्ष स्थानमा रही विश्वकपमा पुगेको छ ।

१७ अंक रहेको पोर्चुगलले अब प्लेअफ खेल्नु पर्ने भएको छ ।