कैलाली । नेपाली काँग्रेसकी नेतृ डा.आरजु राणाको निर्वाचन क्षेत्र कैलालीको धनगढी उपमहानगरपालिका वडा नम्बर ४ को वडा सभापतिमा जिल्लाकै कान्छा व्यक्ति निर्वाचित भएका छन् ।

धनगढी उपमहानगरपालिका वडा नम्बर ४ बाट सभापतिमा सन्तोष रावल निर्वाचित भएका हुन् । २५ वर्षीय रावलले प्रतिद्वन्द्वी अनन्तराज जोशीलाई ४४ मतले पराजित गर्दै सभापतिमा जित हात पारेका हुन् ।

रावलले एक सय ४९ मत प्राप्त गरेका थिए भने जोशीले एक सय पाँच मत मात्रै पाए ।तरुण दल क्षेतीय सदस्य हुँदै रावल लोकतान्त्रिक निर्माण व्यवसायी संघ कैलालीको सहसचिवसमेत भइसकेका छन् ।

१३ औं महाधिवेशनमा क्रियाशील भएर राजनीतिक यात्रामा होमिएका रावल अहिले वडा सभापतिसम्म पुगेका हुन् । वडा सभापतिमा निर्वाचित भइसकेपछि रावलले अब काँग्रेसमा युवा र अघिल्लो पुस्तालाई जोड्न पुलको भूमिका निर्वाह गर्ने बताए ।