काठमाडौं । नेपाल सरकारका गृहमन्त्री एवम् नेपाली कांग्रेसका केन्द्रीय सदस्य बालकृष्ण खाँणले कांग्रेस कार्यकर्ताको पार्टी र नेपाली जनताको साथी भएको बताएका छन् ।

नेपाली काङ्ग्रेसको १४औं महाधिवेशनको अभियानमा जनताको कार्यक्रमको रुपमा अघि बढाउनुपर्ने उनको भनाइ छ । खाणले नेपाली काङ्ग्रेस सुदृढ र बलियो भएमात्रै जनताको हक,अधिकार स्थापीत हुने बताए ।

यो महाधिवेशनले नेताहरूको चयन, पदाधिकारीहरूको छनोट मात्र नभई जनतालाई नयाँ जीवन प्रदान गर्ने, नयाँ रक्तसञ्चार, नयाँ आशा र भरोसा दिलाउने उनले बताए ।

गृहमन्त्री खाँणले नेपाली काङ्ग्रेसको नेतृत्वमा ठूला–ठूला आन्दोलन सम्पन्न भएको, संविधान सभबाट संविधान निर्माण भएको बताए । संघीय लोकतान्त्रिक गणतन्त्र संस्थापन गर्न नेपाली काङ्ग्रेसले अपूर्व भूमिका निर्वाह गरेको भन्दै गृहमन्त्री खाँणले पार्टीको निकै चर्चा गरे ।

काङ्ग्रेसको नेतृत्वमा बनेको सरकारको पहिलो प्राथमिकता नै जनताको सुरक्षा, हक अधिकार सुनिश्चित गर्नु रहेको उनको भनाइ थियो ।