काठमाडौ । नेकपा एमालेको मंसिर १० देखि १२ सम्म चितवनमा पार्टीको दशौं राष्ट्रि«य महाधिवेशन हुादैछ । कम्युनिष्ट पार्टी स्थापनाको ७२ वर्षमा एमालेको दशौं महाधिवेशन हुन लागेको हो । नेपालमा कम्युनिष्ट पार्टी २००६ सालमा स्थापना भएको थियो ।

शुरुमा नेपाल कम्युनिष्ट पार्टीको रुपमा रहेपनि पछि कम्युनिष्ट पार्टीमा आएको टुटफुट र विभाजनका कारण कम्युनिष्टहरु विभिन्न धारामा विभक्त भएका थिए । एमालेको अहिलेको धारको कुन महाधिवेशन कहिले, के नाराका साथ सम्पन्न भएको थियो र त्यसले कसलाई नेतृत्वमा स्थापित गरेको थियो भन्ने तथ्य यस्तो छ :-

नेपाल कम्युनिस्ट पार्टी
स्थापनाः २००६ साल बैशाख १० गते
तद्नुरुप २२ अप्रिल १९४९ ।
संस्थापक नेता– कमरेड पुष्पलाल

पहिलो महाधिवेशन
२०१० साल माघ १० देखि २० गतेसम्म
पाटन, ललितपुर र काठमाडौं
महामन्त्री– मनमोहन अधिकारी ।

दोस्रो महाधिवेशन
२०१४ साल जेठ १५ देखि २५ गतेसम्म
दरबारमार्गस्थित फोहरादरबार, काठमाडौं ।
महासचिव– डा. केशरजंग रायमाझी ।

तेस्रो महाधिवेशन
२०१९ साल बैशाख ४ देखि १५ गतेसम्म
महासचिव– तुल्सीलाल अमात्य ।

चौथो महाधिवेशन
२०४६ भदौ ९ देखि १४ गतेसम्म, सिरहाको
विष्णुपुरकट्टी, सर्रे अम्बास ।
नेकपा(एमाले)को आयोजना
महासचिव– मदनकुमार भण्डारी ।

पाँचौं महाधिवेशन
२०४९ माघ १४ देखि २० गतेसम्म
दशरथ रंगशाला–कमलादी, काठमाडौं ।
मूल नारा–‘जडसूत्रवाद र विसर्जनवादको विरोध गरौं,
माक्र्सवादको सिर्जनात्मक प्रयोग र विकास गरौं ।
अध्यक्ष– मनमोहन अधिकारी, महासचिव– मदनकुमार भण्डारी ।

छैठौं महाधिवेशन
२०५४ माघ १२ देखि १८ गतेसम्म नेपालगन्ज, बाँके ।
मूलनारा–‘बिकृति र बिसंगतिका विरुद्ध संघर्ष गरौं,
विचारधारात्मक रुपमा पार्टीलाई एकताबद्ध पारौं,
अध्यक्ष– मनमोहन अधिकारी, महासचिव – माधवकुमार नेपाल

सातौं महाधिवेशन
२०५९ माघ १८ देखि २२ गतेसम्म, जनकपुर, धनुषा ।
मूल नारा– ‘प्रजातन्त्र, शान्ति र समग्र विकास,
प्रतिगमनविरुद्ध अग्रगामी निकास !’
महासचिव–माधवकुमार नेपाल ।

आठौं महाधिवेशन
२०६५ फागुृन ५देखि १४ गतेसम्म, बुटवल, रुपन्देही ।
मूल नारा– ‘‘यथास्थिति, अराजकता र विखण्डनका विरुद्ध आठौ“ महाधिवेशन, राष्ट्रिय एकता, सामाजिक रूपान्तरण र लोकतान्त्रिक गणतन्त्रका लागि नया“ संविधान !’
अध्यक्ष – भलनाथ खनााल, महासचिव– ईश्वर पोखरेल ।

नवौं महाधिवेशन
२०७१ असार १९ देखि साउन १ गतेसम्म भृकुटीमण्डप, काठमाडौं ।
मूल नारा– ‘शान्तिपूर्ण जनक्रान्तिका उपलब्धिहरुलाई संस्थागत गरौं, जनताको बहुदलीय जनवादको मार्गदर्शनमा समृद्ध नेपाल निर्माण गरौं!’
अध्यक्ष– केपी शर्मा ओली, महासचिव– ईश्वर पोखरेल ।

प्रथम विधान महाधिवेशन
२०७८ असोज १५ देखि १७ गतेसम्म, गोदावरी, ललितपुर ।
नीति, संगठन र विधानसम्बन्धी दस्तावेज पारित ।
मूल नारा–‘दक्षिणपन्थी अवसरवाद र संगठनात्मक अराजकतालाई परास्त गरौं, जबजको मार्गदर्शनमा समाजवादको आधार निर्माण गरौं !’

दशौं महाधिवेशन
२०७८ मंसिर १० देखि १२ गतेसम्म, नारायणगढ र सौराहा, चितवन ।
मूल नारा– ‘दक्षिणपन्थी अवसरवाद र संगठनात्मक अराजकतालाई परास्त गरौं, जबजको मार्गदर्शनमा समाजवादको आधार निर्माण गरौं !’