काठमाडौँ । प्रधानमन्त्री शेरबहादुर देउवासँग दक्षिण तथा मध्य एसियाली मामिला हेर्ने अमेरिकी सहायक विदेश मन्त्री डोनाल्ड लुले शिष्टाचार भेटवार्ता गरेका छन् । प्रधानमन्त्री देउवासँग लुले बिहीबार बालुवाटारमा शिष्टाचार भेटवार्ता गरेका हुन् ।

भेटमा नेपाल र अमेरिका दुई पक्षको सम्बन्धका बारेमा छलफल भएको थियो । कोरोना भाइरस (कोभिड-१९) ले पारेको असरका बारेमा पनि छलफल भएको प्रधानमन्त्री कार्यालयले जनाएको छ । कोभिड-१९ ले अर्थतन्त्रमा पारेको प्रभाव, खोपको सहयोगका बारेमा छलफल भएको बताइएको छ ।

भेटमा प्रधानमन्त्री देउवाले नेपालमा ग्रीन विकास गर्नका लागि अमेरिकासँग आर्थिक र प्राविधिक सहयोग मागेका छन् । त्यसक्रममा अमेरिकाले नेपाललाई निरन्तर सहयोग गर्ने लुले विश्वास दिलाएको बताइएको छ । बुधबार नेपाल भ्रमणमा आएका लुले प्रधानमन्त्रीसहित शिर्ष नेतासँग भेट गर्ने कार्यसूची रहेको छ ।