काठमाडौँ । राष्ट्रिय प्रजातन्त्र पार्टीले महाधिवेसन सारेको छ । बिहीबार बसेको अध्यक्षत्रय कमल थापा, पशुपति शमशेर राणा र प्रकाशचन्द्र लोहनीसहितको बैठकले महाधिवेसन मिति सारेको हो ।

यो निर्णयसँगै राप्रपाको पूर्वनिर्धारित महाधिवेसन चार दिन पर सरेको छ । यसअघि राप्रपाले ११ मंसिरमा काठमाडौँमा महाधिवेशन गर्ने मिति तय गरेको थियो । अब राप्रपाको महाधिवेशन १५–१७ मंसिरमा हुनेछ ।

राप्रपा केन्द्रीय निर्वाचन समितिले महाधिवेशनको मिति परिवर्तन गर्ने सिफारिस गरेको थियो । यसअअघि राप्रपाको प्रदेश महाधिवेशन पनि सारिएको थियो । राप्रपाले तल्लो तहका अधिवेशन सम्पन्न गर्न केही समय लाग्ने भएपछि महाधिवेशन सार्ने निर्णय गरेको बताइएको छ ।