काठमाडौं । सहिद स्मारक ‘ए’ डिभिजन लिग अन्तर्गत शनिबार भएको खेलमा संकटा क्लव र हिमालयन शेर्पाले बराबरी खेलेका छन् ।

दशरथ रंगशालममा शनिवार भएको पहिलो खेलमा संकटा क्लब र हिमालयन शेर्पा क्लबले १–१ को बराबरी खेल्दै अंक बाँडेका छन् ।

पहिलो हाफमा गोलरहित बराबरी खेलेका दुबैले दोस्रो हाफमा एक एक गोल गरे । खेलको ६० औं मिनेटमा लक्ष्मण रुचालले गोल गर्दै संकटालाई अग्रता दिलाए पनि त्यसको चार मिनेटपछि हिमालयन शेर्पाका लागि त्रिदेव गुरुङले गोल फर्काए ।

दुवै टिमले अन्तिम समयसम्म गोल थप्न नसकेपछि अंक बाँड्न बाध्य भएका थिए ।