काठमाडौं । नेपाल स्टक एक्सचेञ्ज (नेप्से) साताको कारोबारको तेस्रो दिन मंगलबार दोहोरो अंकले गिरावट आएको छ ।

सोमबार ७.९० अंकको सामान्य सुधार आएको नेप्से परिसूचिक मंगलबार दोहोरो अंकले गिरावट आएको हो ।

मंगलबार नेप्से ३२.२९ अंकले घटेर दुई हजार सात सय ३३ दशमलव १४ विन्दुमा पुगेको नेपाल स्टक एक्सचेन्जले जनाएको छ ।

कारोबार रकममा भने मंगलबार सामान्य वृद्धि भएको छ । मगलबार नेप्सेमा ४ अर्ब १६ करोड ५८ लाख बराबरको कारोबार भएको छ ।
मंगलबार मानुषी लघुवित्त वित्तीय संस्थाको शेयरमूल्यमा भने पोजेटिभ सर्किट लागेको छ ।

नेपाल दूरसञ्चार कम्पनीको मंगलबार सबैभन्दा बढी ४१ करोड भन्दा बढीको कारोबार भएको नेप्सेले जनाएको छ ।