चितवन । नेकपा एमालेमा अध्यक्ष केपी ओली आज देखि शुरु हुने दशौं महाधिवेशनवाट फेरि पनि अध्यक्ष जित्ने पक्का भएपनि महासचिव को हुन्छ ? सवैको चासो छ । त्यसो त वरिष्ठ उपाध्यक्ष सहितका अन्य पदाधिकारीका बारेमा पनि नेता देखि कार्यकर्ताहरुको चासो नभएको होइन । तर पनि अध्यक्ष पछिको कार्यकारी मानिने महासचिवमा ओलीले आफुले रुचाएका पात्रलाई मात्र ल्याउन सक्ने भएकोले ओलीको महासचिव को भन्ने चर्चा पनि यतिवेला चलेको छ ।

सकभर सहमतिमा नभएपनि चुनाववाट महासचिव आउने छन् । तर चुनाव दुवै विधि जुन अवलम्न गरेपनि त्यसरी आउने महासचिवलाई ओलीको धाप अनिवार्य आवश्यक पर्छ । त्यसका लागि पनि ओलीले कसलाई महासचिव बनाउँलाने ? अहिले सवैको चासो त्यतै छ ।

महाधिवेशनका लागि विहिवार दिउँसो नै चितवन पुगेका ओलीले पदाधिकारीका बारेमा हिजोवाटै आफु निकटका नेताहरुसँग परामर्श थालेका छन् । उनले उदघाटन सत्र सकेपछि बोलार्ईएको सथायी समिति र लगत्तैको केन्द्रीय समिति बैठकमा पदाधिकारीको प्रस्ताव लैजान सक्ने भएकोले पनि नेताहरु अहिले ओलीका नजरमा पर्न दौडादौडमा छन् । ओलीले सौराहास्थित पार्क सफारी रिसोर्टमा बिहीबार राति आफु निकटका केही नेताहरुसाग अलग्गै छलफल गरेका थिए ।

उपमहासचिव विष्णु पौडेल, शंकर पोखरेल र प्रदीप ज्ञवालीले उक्त छलफलका क्रममा अव आफुलाई महासचिव बनाउनु पर्ने भन्दै आ -आफनो दलिल ओली समक्ष पेश गरेका थिए ।

पोखरेललाई उपाध्यक्ष ईश्वर पोखरेल र विष्णु रिमालले साथ दिएका थिए । पौडेललाई भने सुवास नेम्वाङलगायतले साथ दिएका छन् । महासचिवमा सुरेन्द्र पाण्डे र पृथ्वीसुब्बा गुरुङले समेत आकांक्षा देखाईरहादा प्रदीप ज्ञवाललिे पनि मुख फोरेरै आफुलाई महासचिव बनाउन ओली समक्ष माग गरेका छन् ।

ओलीले आफु सर्वसहमतीमा अध्यक्ष बन्न चाहेपनि उनलाई उपाध्यक्ष भीम रावलले चुनौति दिएका छन् । रावलले ओलीसग अध्यक्षमा चुनावी प्रतिस्पर्धा गर्ने बताईसकेका छन् ।