काठमाडौं । राजवादीहरुले राजसंस्था र हिन्दु राष्ट्रको माग गर्दै काठमाडौंमा मार्चपासको तयारी गरेका छन् ।

शाही युवा शक्ति नामको राजावादी समूहले शुक्रबार पत्रकार सम्मेलन गरी मार्चपासको तयारीबारे जानकारी गराएको हो ।

उनीहरुले राजसंस्था र हिन्दूराष्ट्र पुनः स्थापनाको माग गर्दै मंसिर १८ गते मार्चपाससहित वसन्तपुरमा प्रदर्शन गर्ने भएको छन् । मार्चपासमा काठमाडौंका नेवार समुदायलाई सहभागी गराउने उनीहरुको तयारी छ ।

नेपाली जनतालाई लोकतन्त्रको नाममा झुक्याएर गणतन्त्रको स्थापना गरिएको पत्रकार सम्मेलनमा शाही युवा शक्ति नेपालका अध्यक्ष पशुपति खड्काले आरोप लगाए ।

उनले काठमाडौँका नेवार समुदायको विशाल विरोधले गुठी विधेयक फिर्ता भएको पनि पत्रकार सम्मेलनमा स्मरण गराए ।