चितवन । नेकपा एमालेको चितवन सौराहमा जारी महाधिवेशनको वन्दशत्रले केपी शर्मा ओलीलाई पार्टीको अवको नयाँ केन्द्रीय कमिटिका पदाधिकारी तथा सदस्यहरु छान्ने एकलौटी निर्णय दिएकोमा भीम रावलले असहमति जनाएका छन् ।

उनले अध्यक्षमा आफनो उम्मेदवारी जारी रहेको र सहमति नभएको भन्दै ओलीलाई नेतृत्व छान्न दिने वन्दशत्र हलको निर्णयप्रति रावलले असहमति जनाएका हुन् ।

महाधिवेशनमा रावलले आफु अध्यक्षमा उठ्ने भन्दै महाधिवेशन प्रतिनिधीसँग भोट समेत मागेका थिए ।

हलले ओलीलाई पदाधिकारी र सदस्य समेत सर्वसम्मत छान्ने अधिकार दिएपछि रावलले असहमति जनाउँदै बन्दशत्रमा आफनो असहमति राखेका हुन् । उनी आफै वन्दशत्रमा अध्यक्षमण्डलमा सदस्य छन् ।