काठमाडौँ । नेकपा एमालेको १० औँ महाधिवेशनमा नयाँ नेतृत्व चयनका लागि अहिलेसम्म एक हजार ३०० मत खसेको छ । मंगलबार बिहान ४ बजेदेखि सुरु भएको मतदान भोटिङ मेसिनबाट भइरहेको छ ।

केन्द्रीय निर्वाचन आयोगका अनुसार कूल दुई हजार १५३ महाधिवेशन प्रतिनिधिमध्ये १ हजार ३०० मत खसिकेको हो । अहिले अध्यक्ष, उपाध्यक्ष, सचिव र केन्द्रीय सदस्यका केही क्लस्टरमा मतदान हुँदै छ ।

अध्यक्षमा केपी शर्मा ओली र भीम रावल चुनावी मैदानमा छन् भने ६ वटा पद भएको उपाध्यक्षमा सुवासचन्द्र नेम्वाङ, रामबहादुर थाप, घनश्याम भुसाल, अष्टलक्ष्मी शाक्य, विष्णु पौडेल, सुरेन्द्र पाण्डे र युवराज ज्ञवाली भिड्दै छन् ।

यस्तै, ७ सचिव पदका लागि ९ जनाले प्रतिस्पर्धा गरेका छन् ।