काठमाडौँ । राष्ट्रिय प्रजातन्त्र पार्टीका नेता तथा अध्यक्ष पदका उम्मेदवार राजेन्द्र लिङ्देनले महाधिवेशन प्रतिनिधिलाई जीवन रोज्ने कि मृत्यु रोज्ने भनेर प्रश्न गरेका छन् ।

बुधबार पार्टीको महाधिवेशन उद्घाटन समारोहलाई सम्बोधन गर्दै लिङ्देनले महाधिवेशन प्रतिनिधिलाई जीवन रोज्ने कि मृत्यु रोज्ने निर्णय गर्ने बेला आएको बताए । उनले यसअघिको महाधिवेशनमा तीन ठुला पार्टी एमाले, नेपाली कांग्रेस र नेकपा माओवादीका बीचमा राप्रपाको प्रशंसा गर्नमा प्रतिस्पर्धा चलेको स्मरण गराए ।

उनले राप्रपा लोकप्रिय बनेको, मानिसहरु हिन्दु राष्ट्र र राजसंस्थाको पक्षमा रहेको पनि बताए । दुई वर्षमा पार्टी जसरी चल्यो, त्यसरी चल्ने हो भने पार्टीले बोकेको मुद्दा नै हराउने लिङ्देनले बताए ।