काठमाडौं । नाडा अटोमोबाइल्स नेपाल संघको नयाँ नेतृत्वका लागि व्यवसायी करण चौधरीले उम्मेदवारी घोषणा गरेका छन् ।
बुधबार राजधानीमा एक कार्यक्रम गरी चौधरीले प्यानलसहित अध्यक्षमा उम्मेदवारी घोषणा गरेका हुन् ।

चौधरीको प्यानलका १७ सदस्यहरूमा सुनिल रिजाल, अनुप बराल, सुरेन्द्र कुमार उप्रेती, बिक्रम सिंघानिया, राजनबाबु श्रेष्ठ, अभिक ज्योति, मिलनबाबु मल्ल, पंकज अग्रवाल, प्रकाश कपुरी रहेका छन् ।

यस्तै, निलममणि पाठक, वरदान बस्नेत, निसान ढकाल, गोपाल भट्टराई, राजेन्द्र अग्रवाल, गंगाराज भट्टराई, वर्ण न्यौपाने र देवराज भण्डारीसमेत चौधरीकै प्यानलमा समाहित भएका छन् ।

नाडाको ४५ औँ साधारणसभा तथा नयाँ कार्य समितिको निर्वाचन यही मंसिर २२ र २३ गते हुँदैछ ।

निर्वाचित अध्यक्षसहितको सदस्यले अन्य कार्यसमितिले पदाधिकारीहरूको टुंगो लगाउने छ ।

यसअघि नै अर्का अध्यक्षका उमेदवार व्यवसायी ध्रुव थापाले पनि प्यानलसहितको उम्मेदवारी घोषणा गरिसकेका छन् ।