काठमाडौं । नेपाली कांग्रेस बागमतीे प्रदेश कार्य समिति सदस्यमा मधुकर खनालले उम्मेदवारी दिने घोषणा गरेका छन् । पार्टीको १४ औँ महाधिवेशनअन्तर्गत यही मंसिर १७ र १८ गते हेटौँडामा हुने प्रदेश अधिवेशनमा नेता खनालले प्रदेश कार्य समिति सदस्य उम्मेदवारी दिने घोषणा गरेका हुन् ।

काभ्रे प्रतिनिधिसभा निर्वाचन क्षेत्र नम्बर १ (ख) बाट सर्वाधिक मतसहित विजयी भएका खनाल बागमतीमा लोकप्रिय नेताको रुपमा चिनिन्छन् । कांग्रेसमा अग्रजलाई सम्मान र युवालाई जिम्मेवार बनाउनु पर्ने उनको बताए । ‘नेपाली कांग्रेसको रुपान्तरणको निम्ति प्रदेश सदस्यमा उम्मेदवारी दिन लागेको हुँ ’खनालले भने,‘निष्ठा निरन्तरता र पार्टीप्रतिको प्रतिबद्धतालाई कदर गरौं ।’

को हुन खनाल ?

२०५५ सालमा जन प्रशासन क्यापसको इकाई स्ववियू सभापतिबाट राजनिति यात्रा सुरु भएको थियो । त्यसयता उनी निरन्तर राजनीतिमा लगनशीलता, निरन्तरता जारी नै रह्यो । खनालले राजसंस्था कति भनेर प्रमुख भूमिकामा रहेर बहस नै चलाएका थिए ।

खनाल क्रमश नेपाल विद्यार्थी संघको केन्द्रीय सदस्यसमेत बने । खनाल कांग्रेसले गरेको प्रतिगमनविरुद्धको आन्दोलनमा निरन्तर सहभागी भए । भने कांग्रेसले २०६० माघ १९ पछि आन्दोलनमा पक्राउ परे । त्यो समयमा खनाललाई ३ महिना २१ दिन तत्कालीन राजा ज्ञानेन्द्र शाहले क्रुरतापूर्वक नजर बन्द राखेका थिए ।

तत्कालीन ज्ञानेन्द्रको शासन कालमा खनाललाई सुशील कोइरालाले खनाललाई भक्तपुरको पार्टीको सम्पर्क व्यक्ति तोकेका थिए ।

खनालले जनआन्दोलन २0६२–0६३ को आन्दोलनमा मध्यपुर ठिमी नगरपालिकाको आन्दोलनको मुख्य नेतृत्व गरेका थिए । १२ औँ महाधिवेशनमा खनाल काभ्रे जिल्ला कार्य समितिको सदस्य थिए । विगत ३ वर्षदेखि पार्टीको सूचना, सञ्चार प्रचार विभागको केन्द्रीय सदस्यका रहेका खनाल विभागले सञ्चालन गरेको ‘छहारी संवाद’का प्रस्तोतासमेत हुन् । जस्तोसुकै कठिन परिस्थितिमा पार्टीका लागि खम्बा बनेर उभिने नेताका रुपमा खनाल चिनिन्छन् ।