काठमाडौँ । निक्षेप तथा कर्जा सुरक्षण कोषको प्रमुख कार्यकारी अधिकृत (सिईओ)मा अर्जुन भण्डारी नियुक्त भएका छन् । गत मंसिर १३ गते बसेको मन्त्रिपरिषद्को बैठकले उनलाई सिईओमा नियुक्त गरेको हो ।

हाल अर्थ मन्त्रालयमा कार्यरत रहेका भण्डारीले यसअघि देशका विभिन्न जिल्लामा प्रमुख जिल्ला अधिकारीको भूमिकामा काम गरिसकेका छन् ।

सरकारले विश्वास गरी जिम्मेवारी दिएकोमा आभार व्यक्त गर्दै उनले मेरो न्युजसँग भने, ‘निक्षेप तथा कर्जा सुरक्षण कोषको काम कारबाही थप प्रभावकारी बनाउन मैले सक्दो प्रयास गर्ने छु ।’