काठमाडौं । नेकपा (माओवादी केन्द्र)ले कांग्रेस नेतृत्वमा आफ्नो पार्टी समेत सम्मिलित सरकारको काम र पार्टीको कामलाई ब्यवस्थित गर्न समिति गठन गरेको छ । सरकारमा सहभागी ५ जना मन्त्री समेतलाई राखेर सरकार र पार्टी कामलाई ब्यवस्थित गर्न समिति गठन गर्ने निर्णय माओवादीले गरेको हो ।

अध्यक्ष प्रचण्डकै नेतृत्वमा त्यस्तो समिति गठन गरिएको प्रचण्डले मातहातका पार्टी कमिटिलाई पठाएको आन्तरिक परिपत्रमा उल्लेख छ । समितिमा हरिवोल गजुरेल सचिव रहनेछन् । त्यसमा देव गुरुङ पनि सदस्यउ रह्ने छन्। मन्त्रीहरुमा पम्फा भुसाल, जर्नादन शर्मा, देवेन्द्र पौडेल, शशि श्रेष्ठ र महेश्वर गहतराज सदस्य रहने छन् ।

मंसिर १७ मा प्रचण्डले गरेको सर्कुलरमा भनिएको छ,–‘सरकार र पार्टीको कामलाई व्यवस्थित गर्न अध्यक्ष कमरेड प्रचण्डको नेतृत्वमा कमरेड हरिबोल गजुरेल सचिव रहने गरी कमरेड देव गुरुङ, कमरेड लीलामणि पोख्रेल र ५ जना माननीय मन्त्रीज्यू सम्मिलित एक समिति गठन गरिएको छ ।’