काठमाडौँ । नेपाली कांग्रेस १४ औँ महाधिवेशनको संघारमा रहेको छ । कांग्रेस प्रचार प्रसार समितिले एक सातादेखि पार्टीको कार्यक्रमका बारेमा प्रचार प्रसार गरेको छ ।

सोही कार्यक्रमअनुसार मंगलबार प्रदर्शनी मार्गस्थित भृकुटीमण्डपलगायत काठमाडौँका विभिन्न स्थानमा १० हजार झण्डा राखिने प्रचार प्रसार समितिका प्रमुख विश्वप्रकाश शर्माले बताए । ‘आज झण्डा राख्ने कार्यक्रमको उद्घाटन गरेका हौँ,’ उनले भने, ‘आजबाट गेट निमार्ण, काठमाडौँका चोक चोकमा ब्यानर राख्ने कार्यक्रम रहेको छ ।’

कांग्रेसको केन्द्रीय महाधिवेशन आगामी मंसिर २४ देखि २७ गते काठमाडौँमा हुँदै छ ।