काठमाडौँ । सत्तारुढ दल नेपाली कांग्रेसको १४ औँ महाधिवेशनका लागि वरिष्ठ नेता रामचन्द्र पौडेल पक्षको बैठक सुरु भएको छ । सभापतिको उम्मेदवार चयन गर्न अनुपम फुडल्याण्डमा बैठक सुरु भएको हो ।

सभापतिको साझा उम्मेदवार तय गर्न पौडेल पक्षको बैठक मंगलबार दिनभर पनि बसेको थियो । सभापतिका आकांक्षीसहित केन्द्रीय सदस्यहरूको बैठकले सभापति चयन गर्न नसकेपछि आज पुनः बैठक बसेको हो ।

बैठकमा सभापतिको साझा उम्मेदवार छान्ने भनिए पनि शेखर कोइराला नजाने भएका छन् । उनी आफै सभापतिमा उम्मेदवारी दिने बताउँदै आएका छन् ।