काठमाडौं । नेपाली कांग्रेसको महाधिवेशनमा विभिन्न घोचेपेचमा आरोप/प्रत्यारोप गरिरहेका राजनीतिक दलका शीर्ष नेताहरु एउटै मञ्चमा सहभागी थिए । मुख्यत तीन थरी अन्तरसंर्घष गरिरहेका राजनीतिक दलका शीर्ष नेताहरु कांग्रेसको महाधिवेशनमा सहभागी थिए ।

एमाले अध्यक्ष केपी ओलीसँग माओवादी केन्द्रका अध्यक्ष प्रचण्ड र एमालेवाटै विभाजित बनेर बनेको नेकपा एकीकृत समाजवादीका अध्यक्ष माधव नेपालको सम्वन्ध खटपटपूर्ण थियो । त्यस्तै त्यही मञ्चमा थिए जनता समाजवादी पार्टीका अध्यक्ष उपेन्द्र यादव र लोकतान्त्रिक समाजवादी पार्टीका अध्यक्ष महन्थ ठाकुर । यी दुई पार्टीका दुई नेताका वीचमा पनि सम्वन्ध समधुर थिएन ।

गत वर्ष दिन यता राजनीतिमा यी नेताहरुले एक अर्काेलाई कसरी सिध्याउने र आफु अब्बल बन्ने भन्ने संर्घष गरेका थिए । सोही कारण पनि प्रचण्ड ओली र नेपाल एउटै मञ्च सेयर नगरेको लामो भएको थियो ।

शुक्रवार कांग्रेसको महाधिवेशनमा यी नेताहरु एउटै मञ्चमा देखिए । तर पनि उनीहरुमा कुनै हार्दिकता देखिएन । घोचपेचमै नेताहरुले समय खर्च गरे ।

आफनो सम्वोधनमा महन्थ ठाकुरले सवैलाई सम्वोधन गरे, तर उपेन्द्र यादवलाई कुनै सम्वोधन गरेनन । माधव नेपालले पनि ओलीलाई सम्वोधन गर्न चाहेनन । उनले त्यही कारण पनि सवैलाई एकमुष्ट सम्वोधन गरे ।