काठमाडौँ । नेकपा एकीकृत समाजवादीले पार्टीमा ३१ विभाग गठन गरेको छ । केन्द्रीय सचिवालयको बैठकहरूबाट ती विभाग गठन गरी जिम्मेवारी दिएको पार्टीले जनाएको हो ।

यस्तै, पार्टीले दुई वटा प्रदेश कमिटीसमेत संगठन गरी अनुमोदन गरिएको जनाएको छ । अध्यक्ष माधवकुमार नेपालले शुक्रबार अन्तर पार्टी निर्देशन (अपानी) जारी गर्दै पार्टीले विस्तार गरेको विभागको बारेमा जानकारी दिएको हो ।

नेकपा एसले प्रदेश १ मा बलदेव चौधरीको अध्यक्षतामा २४५ सदस्यीय र कर्णाली प्रदेशमा प्रकाश ज्वाला इन्चार्जसहित अम्मरबहादुर थापाको अध्यक्षमा १६६ प्रदेश कमिटी गठन गरेको हो ।

बाँकी पाँच प्रदेश कमिटीलाई आफ्ना प्रदेश कमिटी विस्तारसम्बन्धी निर्णय गरी अनुमोदनका लागि केन्द्रमा पठाउन निर्देशन जारी गरिएको छ ।