काठमाडौँ । सत्तारुढ दल नेपाली कांग्रेसको १४ औँ महाधिवेशको दोस्रो दिन उम्मेदवारको मनोनयन दर्ता हुने भएको छ । बिहान १० देखि साँझ ५ बजेसम्म मनोनयन दर्ता हुने कांग्रेस निर्वाचन समितिले जनाएको छ ।

यस्तै, साँझ ५ देखि ७ बजेसम्म उम्मेदवारी मनोनय दर्ता उपर दाबी विरोध र जाँचबुझ हुने छ । राति ७ देखि ९ बजेसम्म दाबी विरोध उपर निर्णय र ९ बजेदेखि १२ बजेसम्म उम्मेदवारको पहिलो नामावली प्रकाशन गरिने केन्द्रीय निर्वाचन समितिले जनाएको छ ।

समितिका अनुसार सोमबार बिहान ८ बजेदेखि मतदान सुरु हुने भएको छ । शुक्रबारदेखि काठमाडौँमा सुरु भएको कांग्रेसको महाधिवेशन चार दिनसम्म चल्ने छ ।