काठमाडौं । नेपाली कांग्रेसको जारी १४ औं महाधिवेशनमा शनिवार बिमलेन्द्र निधिले सभापति पदमा उम्मेदवारी दर्ता गराएका छन्।

भृकुटीमण्डपस्थित राष्ट्रिय सभागृहमा आफ्ना समर्थक र शुभेच्छुकसहित पुगेका निधिले सभापतिमा उम्मेदवार मनोनयन दर्ता गराएका हुन् ।

संस्थापन पक्षका निधिले धेरै समयअघि नै आफूले आगामी नेतृत्वका लागि उम्मेदवारी दिने घोषणा गरेका थिए ।

उम्मेदवार मनोनयन दर्ताको समय शनिवार साँझ ५ बजेसम्मका लागि तोकिएकाले अन्य उम्मदेवारहरुले पनि मनोनयन दर्ता गर्ने क्रम चलिरहेको छ ।