काठमाडौँ । नेपाली कांग्रेसको जारी १४ औँ महाधिवेशनमा आज उम्मेदवारी फिर्ता गर्न बिहान ११ बजेसम्म समय तोकिएको छ । शनिबार परेका उम्मेदवारहरूले आफ्नो फिर्ता गर्न समय छुट्याइएको हो ।

कांग्रेस निर्वाचन समितिले जनाएअनुसार त्यसपछि उम्मेदवारको अन्तिम नामावली प्रकाशन हुनेछ । आजै दिउँसो सवा १२ बजे उम्मेदवारको अन्तिम नामावली प्रकाशन हुने छ भने भोलि (सोमबार) बिहान ८ बजेदेखि नै मतदान सुरु हुने जनाइएको छ ।

पार्टीको नयाँ नेतृत्व चयनका लागि कांग्रेस केन्द्रीय समितिले राष्ट्रियसभा गृह, महेन्द्र पुलिस क्लब र भृकुटीमण्डपमा मतदान गर्ने व्यवस्था गरेको छ । मतदान मत पत्रमार्फत हुने व्यवस्था गरेको छ ।

कांग्रेसले पदाधिकारीसहित केन्द्रीय कार्य समितिको १ सय ३४ पदका लागि निर्वाचतन गर्ने भएको हो ।