काठमाडौँ । बंगलादेशमा पनि कोरोनाको नयाँ भेरियन्ट ओमिक्रोन फेला परेको छ । शनिबार सरकारले नयाँ भेरियन्टका संक्रमित भेटिएका जनाएको छ । स्वास्थ्यमन्त्री जाहिद मलेकले शनिबार जानकारी दिएका हुन् । उनले दुई जनामा यो संक्रमण पाइएको जानकरी दिए ।

उनका अनुसार बंगलादेशको क्रिकेट टिमका २ जना क्रिकेटरमा संकमण भेटिएको छ । स्वास्थ्यमन्त्री मलेकले ती दुई जना खेलाडी हालै जिम्बावेबाट आएका थिए । उनीहरुको स्वास्थ्य परीक्षणका क्रममा भेरियन्ट देखिएको बताइएको हो । यसअघि भारतका नयाँ दिल्ली र कर्नाटक राज्यका केही नागरिकमा कोरोना भाइरसको ओमिक्रोन भेरियन्ट फेला परेको थियो ।

भारतमा सुरुका भेटिएका सङ्क्रमित ती व्यक्ति दक्षिण अफ्रिकाबाट आएका यात्रु रहेको बताइएको थियो । यो ओमिक्रोन भेरियन्ट विश्वका कैयौँ मुलुकमा फैलिएको छ । रासस