काठमाडौँ । नेपाली कांग्रेसको १४औँ महाधिवेशनका लागि भएको मतदानमा तीन हजार ६०० मत खसेको छ । कांग्रेसको सोमबार १२ बजेदेखि सुरु भएको मतदानमा तीन हजार ६०० मत खसेको निर्वाचन समितिका सदस्य तेज रावले जानकारी दिए ।

एक सय ३२ पदका लागि ४८७ उम्मेदवार चुनावी प्रतिस्पर्धामा छन् । कांग्रेसले मतदान गर्नका लागि राष्ट्रियसभा गृहमा एक स्थान र भृकुटीमण्डपमा दुई स्थानमा मतदानको व्यवस्था गरिएको छ ।

निर्वाचन समितिले भृकुटीमण्डपका दुई स्थानमा दुई हजार १०० र एक हजार ३०० तथा राष्ट्रिसभा गृहमा एक हजार ३०० मतदाताका लागि मतदान गर्ने प्रबन्ध मिलाइएको छ । कुल चार हजार ७४३ महाधिवेशन प्रतिनिधिले कांग्रेसको नयाँ नेतृत्व चयन गर्ने छन् ।

यस्तै कांग्रेसको मतदानको समय थप एक घण्टा थपिएको छ । निर्वाचन समितिका सदस्य रावलका अनुसार ९ बजे सकिने भनेर सूचना जारी भएपनि थप १ घण्टा गरी १० बजेसम्म मतदान हुनेछ ।