काठमाडौं । अर्जेन्टिनाका स्ट्राइकर सर्जियो अग्युरोले खेल जीवनबाट सन्यासको घोषणा गर्ने भएका छन् ।

स्वास्थ्य समस्याको कारण अग्युरोले सन्यासको तयारी गरेको बीबीसीले जनाएको छ । ३३ वर्षीय अग्युरो पछिल्लो समय चोट लागेर आराम गरिरहेका छन् ।

बार्सिलोनाका स्ट्राइकर अग्युरोले अक्टोबरबाट कुनै पनि खेल खेलेका छैनन् । पछिल्लो पटक उनले ३० अक्टोबरमा अल्भेसविरुद्ध खेलेका थिए । छातीमा समस्या देखिएपछि उनी त्यस खेलमा सब्सिच्युड भएका थिए ।

अग्युरो जारी सिजनमा भने बार्सिलोनामा अनुबन्धित भएका थिए । अग्युरोले बार्सिलोनासँग दुई वर्षे सम्झौता गरेका थिए । सिटीमा १० वर्ष बिताएर अग्युरो स्पेन आएका हुन् ।

अग्युरोले सिटीका लागि ३ सय ९० खेलमा २ सय ६० गोल गरेका छन् । अग्युरो सिटीका सर्वाधिक गोलकर्ता खेलाडी हुन् ।

अग्युरोले सिटीका लागि मुख्य १५ उपाधि जितेका छन् ।