काठमाडौँ । प्रमुख प्रतिपक्ष दल नेकपा एमालेको नाराबाजीबीच प्रतिनिधि सभाको बैठकमा विधेक पेश भएका छन् । प्रतिनिधि सभाको बैठक सुरु हुनासाथ सभामुख अग्निप्रसाद सापकोटाले सरकारका मन्त्रीलाई केही विधेक पेश गर्न अनुमति दिएका थिए ।

एमालेको नाराबाजीबीच मन्त्रीले विधेक पेश गरेका थिए । विरोधकाबीच प्रतिनिधिसभामा गृहमन्त्री बालकृष्ण खाँणका तर्फबाट कानुनमन्त्री दिलेन्द्रप्रसाद बडुले नेपाल प्रहरी र प्रदेश प्रहरी (कार्यसञ्‍चालन, सुपरिवेक्षण र समन्वय) पहिलो संशोधन अध्यादेश २०७८ र तेजाव तथा अन्य घातक रसायनिक पदार्थ (नियमन) अध्यादेश र सामाजिक सुरक्षा पहिलो संशोधन अध्यादेश पेश गरेका छन् । यस्तै मन्त्री बडुले सामाजिक सुरक्षा पहिलो संशोधन अध्यादेश, रेल्वे अध्यादेश यौन हिंसाविरुद्ध केही ऐनलाई संशोधन गर्ने अध्यादेश २०७८ र फौजदारी कार्यविधिसम्बन्धी अध्यादेश पेश गरेका छन् ।

विधेक पेश भएपछि आजका लागि प्रतिनिधि सभाको बैठक सकिएको छ । अर्को बैठक पुस ६ गते मंगलबार दिउँसो १ बजे बस्ने छ । एमालेले सभामुख सापकोटोकाे कार्यशीलैको विरोध गर्दै संसद बैठकमा विरोध गर्दै आएको छ ।