काठमाडौं । नेपाली कांग्रेस उपसभापतिको मतगणना केहीबेरमै सुरु गरिने भएको छ । कांग्रेस केन्द्रीय निर्वाचन समितिको बुधबार बसेको बैठकले उपसभापति पदको मतगणना सुरु गर्ने निर्णय गरेको हो ।

निर्वाचन समितिका सचिव जगनाथ श्रेष्ठले अब केहीबेरमै उपसभापतिको मतगणना सुरु हुने जानकारी दिए ।

उपसभापति लगायतको मत गणना पार्टी कार्यालय सानेपामा हुनेछ । श्रेष्ठले बुधबार उपसभापतिको मत गणना हुने र महामन्त्रीको विहीबार हुने समेत जानकारी दिए ।

उपसभापति पदमा डा. चन्द्र भण्डारी, धनराज गुरुङ, पूर्णबहादुर खड्का, विजय गच्छदार, सुजाता कोइराला, दिब्यश्वरी साह प्रतिष्पर्धी छन् ।