काठमाडौं । नेपाली कांग्रेसको १४ औं महाधिवेशन अन्तर्गत उपसभापतिको मतगणना शुरु भएको छ ।

पार्टी कार्यालय सानेपामा भइरहेको मतगणनाको प्रारम्भिक नतिजामा शेखर कोइराला प्यानलका धनराज गुरुङ र शेरबहादुर देउवा प्यानलका पूर्णबहादुर खड्काले अग्रता लिएका छन् ।

प्रारम्भिक गणनाअनुसार गुरुङको १ सय ३१ मत आउँदा पूर्णबहादुर खड्काले १ सय २८ मत प्राप्त गरेका छन् ।
यस्तै, देउवा प्यानलकै विजय गच्छदारले एक सय २२ मत ल्याएका छन् ।

यसैगरी चन्द्र भण्डारीले ९५, सुजाता कोइराला ३६, महेश आचार्यले २५ र दिब्यश्वरी शाहले ६ मत प्राप्त गरेकी छन् ।
कांग्रेसमा दुई जना उपसभापतिका लागि ७ जना प्रतिस्पर्धामा छन् ।

शेरबहादुर देउवाको प्यानलबाट पूर्णबहादुर खड्का र विजयकुमार गच्छदार, शेखर कोइराला प्यानलबाट धनराज गुरुङ र चन्द्र भण्डारी, प्रकाशमान सिंह प्यानलबाट सुजाता कोइराला र विमलेन्द्र निधि प्यानलबाट दिव्येश्वरी शाह उम्मेदवार छन् ।

त्यस्तै महेश आचार्य पनि उपसभापतिमा उम्मेदवारी दिएका छन् ।