काठमाडौँ । नेपाली कांग्रेसको १४ औँ महाधिवेशनमा उपसभापति पदमा दुई मतले पराजीत भएसँगै विजयकुमार गच्छदारले निर्वाचन समितिमा निवेदन दिएका छन् । बुधबार राति सार्वजनिक मत परिणामअनुसार उनले १९०६ मत प्राप्त गरेका छन् ।

सभापति शेरबहादुर देउवा समूहका गच्छदार शेखर कोइराला प्यानलका धनराज गुरुङसँग दुई मतले पराजित भएका हुन् । गुरुङले १९०८ मत ल्याएर विजयी भएका छन् ।

गच्छदारले मत परिणामलाई असहमति जनाउँदै पुनः गणना गर्न माग गरी निवेदन दिएका हुन् । यस्तै पूर्णबहादुर खड्का भने सबैभन्दा धेरै मत पाउँदै विजयी भइसकेका छन् ।