काठमाडौँ । नेपालमा हाल पश्चिमी न्यून चापीय प्रणालीको प्रभाव रहेको छ । मौसम पूर्वानुमान महाशाखाले सुदूरपश्चिम, कर्णाली, लुम्बिनी र गण्डकी प्रदेशको पहाडीका केही भू भागमा आंशिकदेखि सामान्य बदली रही अन्य भागमा आंशिक बदली रहने जनाएको छ ।

देशभर चिसो बढ्ने क्रममा रहेकाले चिसोबाट बच्न आवश्यक सुरक्षा एवं सतर्कता अपनाउन महाशाखाले आग्रह गरेको छ । काठमाडौँको न्यूनतम तापक्रम ३.४ डिग्री सेल्सियस पुगेको छ । जिरीमा माइनस २.१ डिग्री सेल्सियस तापक्रम रहेको छ ।

शनिबार देशको पहाडी तथा हिमाली भागमा आंशिकदेखि सामान्य बदली रहने र बाँकी भागमा मौसम सामान्यतया सफा रहने जनाएको छ ।